Biełaruski hurt padčas amierykanskaha tura daŭ 113 kancertaŭ za 73 dni. Pahladzicie ich žyvy vystup VIDEA
Hurt «Stary Olsa» letaś adśviatkavaŭ svajo 20-hodździe. U studyi aŭtarskaj prahramy Siarhieja Budkina Belsat Music Live u farmacie Premium muzyki z hetaj nahody padrychtavali siurpryzy, jakija pakazali razam z etapnymi tvorami.
U minułym hodzie fołk-kalektyŭ u piaty raz hastraliravaŭ pa ZŠA, dzie daŭ 113 kancertaŭ za 73 dni. Časam prychodziłasia vystupać pa piać razoŭ na dzień. U razmovie ź Miraj Šulc udzielniki «Staroha Olsy» raspaviali pra svaje amierykanskija pryhody, a taksama zhadali samyja cikavyja i niečakanyja fakty z historyi svajoj kamandy.
Taksama, akramia svaich viadomych chitoŭ i premjer, dla hledačoŭ Belsat Music Live «Stary Olsa» padrychtavaŭ paračku siurpryzaŭ: žyvoje vykanańnie pieśni One hurta Metallica, videa jakoha na YouTube maje bolš za 3,5 miljony prahladaŭ, a taksama novy kavier — Zombie viadomaha irłandskaha hurta The Cranberries.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Padpišyciesia na kanał!
Čytajcie taksama:
Jak dobra vy viedajecie Belsat Music Live, adzin z najlepšych prajektaŭ pra biełaruskuju muzyku?
Viarnicie na hadzinu svoj 2007 hod. Pahladzicie vypusk Belsat Music Live z zorkami alternatyŭnaj muzyki, hurtom ##### (5diez) VIDEA
Adkryjcie dla siabie «Kramu» pa-novamu. Hałoŭnyja chity, redkija pieśni i dźvie premjery ŭ Belsat Music Live VIDEA
