U Tehieranie pratestoŭcy zapatrabavali adstaŭki ajatały Chamieniei
Bi-bi-si
U Tehieranie pierad budynkam Technałahičnaha ŭniviersiteta Amira Kabira ŭ subotu sabrałasia niekalki sotniaŭ demanstrantaŭ, jakija patrabavali adstaŭki viarchoŭnaha lidara krainy ajatały Ali Chamieniei, paviedamlaje Bi-bi-si.
«Hałoŭnakamandujučy, sychodź!» — skandavali demanstranty, aburanyja tym, što iranskija vajskoŭcy ŭ sieradu vypadkova źbili ŭkrainski pasažyrski samalot.
U subotu heta aficyjna pryznali iranskija ŭłady.
U iranskich sacsietkach źjavilisia videa pratestaŭ, na ich bačnyja ludzi, što sabralisia la budynka ŭniviersiteta, što skandujuć antyŭradavyja łozunhi.
Na adnym ź videa čuvać, jak natoŭp skanduje: «Adstaŭki niedastatkova, patrebny sud!»
Pastupajuć paviedamleńni ab pratestach i la budynka Technałahičnaha ŭniviersiteta imieni Šaryfa, adnoj z samych prestyžnych navučalnych ustanoŭ u krainie.
Pa niekatorych źviestkach, pa mienšaj miery 10 zahinułych u avijakatastrofie byli vypusknikami hetaha ŭniviersiteta.
Paviedamleńni ab pratestach u dvuch tehieranskich univiersitetach źjavilisia i ŭ iranskich ahienctvach navin IRNA i ISNA.
