Taćciana Sieviaryniec: Jak Pavieł siońnia viarnuŭsia z sutak, daviałosia vykinuć dva pakiety bializny na śmietnicu
Taćciana Sieviaryniec u zale suda
Siońnia Pavieł Sieviaryniec atrymaŭ 30 sutak aryštu za ŭdzieł u śniežańskich akcyjach pratestu. I heta pry tym, što siońnia ranicaj jon tolki viarnuŭsia dachaty, adbyŭšy 15 sutak papiaredniaha aryštu. Pavodle novych prysudaŭ pad aryšt jon jašče nie ŭziaty.
Taćciana Sieviaryniec u intervju Radyjo Svaboda prakamientavała čarhovy vyrak synu.
«Dzicia (syn Paŭła Francišak) pierastanie paznavać baćku. Jak jon siońnia radavaŭsia, ja na heta nie mahła hladzieć bieź śloz. A što budzie jašče praź miesiac?»
«Kali čałaviek pryjšoŭ z 14-j kamiery z turmy na Akreścina, heta aznačaje, što jon pryjšoŭ z nasiakomymi. Ja siońnia vykinuła dva pakiety bializny, palito zakinuli ŭ pralniu, kab, nie daj Boh, hetaja zaraza nie pasialiłasia ŭ chacie, tam, dzie małomu dziciatku jašče niama dvuch hadkoŭ. My vykinuli štany, švedry, abutak na śmietnicu. Heta, ličycie, jašče dadatkovy štraf», — dadała sp. Taćciana.