Lavonu Barščeŭskamu ŭ pratakole napisali, što ŭ jaho siaredniaja adukacyja. Spravu adpravili na dapracoŭku FOTY
Na sud pryjšli Aleś Bialacki, Uładzimir Siŭčykaŭ, Valancina Aksak, Uładzimir Arłoŭ
Siońnia ŭ sudzie Centralnaha rajona Minska adbyŭsia razhlad spravy palityka Lavona Barščeŭskaha. Jaho mielisia sudzić pa č. 1 art. 23.34 KaAP (udzieł u niesankcyjavanym mierapryjemstvie — adnoj z akcyj suprać h.zv. «pahłyblenaj intehracyi»).
Viała praces Taćciana Akavitaja. Padtrymać znakamitaha vykładčyka i fiłołaha pryjšło šmat ludziej. Pryčym sud znachodzicca ŭ byłym pamiaškańni Kołasaŭskaha liceja, u jakim sp. Barščeŭski vykładaje dziasiatki hadoŭ.
Spadar Lavon spačatku chadajničaŭ ab viadzieńni pracesu na biełaruskaj movie. Chadajnictva było zadavolena. Taksama jon aburyŭsia, što ŭ pratakole paznačana, što ŭ jaho siaredniaja adukacyja, a nie vyšejšaja, jak jość nasamreč.
U vyniku spravu adpravili na dapracoŭku.
Siońnia taksama projduć pracesy nad Uładzimiram Niaklajevym, Piatrom Sadoŭskim, Paŭłam Sieviaryncam — usiaho kala 20 sudoŭ. Bolšaści pakul dajuć vialikija štrafy.
Maračkinu — 810 rubloŭ, Mikałaju Kazłovu — 1 350 rubloŭ: praciahvajucca sudy nad udzielnikami akcyj suprać intehracyi
