U Drazdach pradajecca katedž za $1,5 miljona. Pahladzicie FOTY interjeraŭ
Katedžy ŭ Drazdach naležać nie tolki biełaruskim čynoŭnikam, ale i biznesmienam. Adzin ź ich vystaviŭ na prodaž svoj dom na rahu Załatoj vulicy i Załatoha zavułka. Startavy košt — $1,5 miljona.
Takaja prapanova źjaviłasia na partale Realt.by.
Płošča katedža — kala 550 kvadratnych mietraŭ.
«Prastornaja haścioŭnia z kuchniaj 88 kv.m. i kaminam całkam ukamplektavanaja ŭsioj nieabchodnaj technikaj i načyńniem, a kožnaja z čatyroch spalniaŭ maje svoj harderobny pakoj, sanvuzieł i abstalavana kandycyjanieram», — havorycca ŭ apisańni.
Jość u domie svoj basiejn z vadzianoj puškaj i saŭna. Usia santechnika ŭ domie italjanskaja. A pakoj adpačynku na 2-m paviersie pierachodzić u zakrytuju vierandu z zonaj barbiekiu.
Pradaviec ličyć, što dom abstaŭleny pa aŭtarskim dyzajnie.
Susiedzi — były vice-premjer Ivan Bambiza, były ministr pryrodnych resursaŭ Uładzimir Całko, były kiraŭnik Minščyny Barys Batura.