Niedaloka ad pasolstva ZŠA ŭ Bahdadzie ŭpali niekalki rakiet
Niekalki rakiet upali ŭ sieradu ŭviečary ŭ «zialonaj zonie» Bahdada, dzie mieściacca pasolstvy i irakskija dziaržaŭnyja ŭstanovy. Jak paviedamiŭ telekanał Sky News Arabia, u centry Bahdada spracavali sireny pavietranaj tryvohi. Vidavočcy paviedamlajuć ab vybuchach, piša tass.ru.
U noč na sieradu Iran u adkaz na zabojstva hienierała Kasiema Sulejmani abstralaŭ rakietami dźvie irakskija vajennyja bazy, dzie raskvataravanyja vojski ZŠA.
Pavodle źviestak telekanała Al-Baghdadia, pa «zialonaj zonie» Bahdada byli vypuščanyja dźvie rakiety. Adna ź ich upała na vulicy niedaloka ad pasolstva ZŠA, adznačaje telekanał, druhaja trapiła ŭ budynak uradavaha kompleksu.
Paciarpiełych niama. U nieba nad stalicaj Iraka padniatyja amierykanskija viertaloty, jakija patrulujuć rajon.