U Aŭstralii z-za mocnaj zasuchi zabjuć 10 tysiač viarbludaŭ
Aŭstralijskija čynoŭniki vyrašyli zabić tysiačy miascovych viarbludaŭ, bo jany pjuć zanadta šmat vady padčas mocnych lasnych pažaraŭ u krainie, piša The Hill.
Aŭstralijskija snajpiery zabjuć ź viertalotaŭ dziesiać tysiač viarbludaŭ z-za taho, što jany pjuć šmat vady, jakaja patrebna dla tušeńnia lasnych pažaraŭ, jakija achapili Aŭstraliju. Płanujecca, što dla likvidacyi žyvioł budzie praviedziena śpiecyjalnaja piacidzionnaja kampanija, jakaja pačniecca ŭ sieradu.
Viarbludy, jakija šukajuć vadu, navat prabirajucca ŭ damy miascovych abaryhienaŭ.
Cieły pamierłych ad smahi žyvioł stali krynicaj zaražeńnia vadajomaŭ. Akramia taho, viarbludy niebiaśpiečnyja dla aŭtamabilistaŭ.
Aŭstralija źjaŭlajecca krainaj, dzie pražyvaje samaja vialikaja ŭ śviecie papulacyja dzikich viarbludaŭ.
