Tramp: U Irana nikoli nie budzie jadziernaj zbroi
Tak kiraŭnik Biełaha doma adreahavaŭ na rašeńnie Irana ab prypynieńni svaich abaviazacielstvaŭ u ramkach «jadziernaj uhody».
Čytajcie: Iran vychodzić ź jadziernaj ździełki
Raniej u Tehieranie zajavili, što nie buduć abmiažoŭvacca limitami ŭzbahačeńnie ŭranu, piša RBK
IRAN WILL NEVER HAVE A NUCLEAR WEAPON!
Prezident ZŠA Donald Tramp napisaŭ u tvitary, što ŭ Irana «nikoli nie budzie jadziernaj zbroi». Dopis amierykanskaha lidara źjaviŭsia na nastupny dzień paśla taho, jak Tehieran admoviŭsia ad vykanańnia «jadziernaj uhody» 2015 hoda, abviaściŭšy, što prystupiŭ da skaračeńnia svaich abaviazacielstvaŭ u ramkach Sumiesnaha ŭsioabdymnaha płana dziejańniaŭ.
U toj ža čas Tramp vykazaŭ hatoŭnaść vieści pieramovy z pradstaŭnikami Irana ab pierahladzie ŭmoŭ uhody pa jadziernaj prahramie, zajaviła daradca kiraŭnika Biełaha doma Kelien Konvej. Na pytańnie, ci vieryć amierykanski prezident, što jon jašče moža prymusić Iran pierahledzieć novaje jadziernaje pahadnieńnie, Konvej adkazała: «Jon skazaŭ, što jon adkryty dla razmovy. Kali Iran choča pačać pavodzić siabie jak narmalnaja kraina, to, viadoma».
Zabojstva kamandzira elitnaha padraździaleńnia «Al-Kuds» iranskaha Korpusa vartavych isłamskaj revalucyi Kasiema Sulejmani padčas napadaŭ ZŠA ŭ Bahdadzie uzmacniła napružanaść u blizkaŭschodnim rehijonie. U Iranie dziejańni ZŠA nazvali terarystyčnym aktam, paabiacaŭšy «surovuju pomstu» i ŭdary ŭ adkaz. Tramp, u svaju čarhu, pryhraziŭ atakaj pa 52 iranskija abjekty, u tym liku kulturnyja, kali Iran napadzie na amierykanskija vajennyja bazy.
Napiaredadni, 5 studzienia, Iran admoviŭsia ad apošniaha piataha pa liku abmiežavańnia ŭ ramkach «jadziernaj uhody», što datyčycca kolkaści centryfuh. U listapadzie prezident Irana Chasan Raŭchani zajaviŭ ab pačatku zapampoŭvańnia hazu ŭ centryfuhi na zavodzie pa ŭzbahačeńni ŭranu ŭ Forda na ŭzroŭni 5%. Pa dadzienych Arhanizacyi pa atamnaj enierhii Irana, da zaklučeńnia jadziernaj ździełki ŭ 2015 hodzie Iran uzbahačaŭ uran na abjekcie ŭ Forda da 20%. Tramp tady nazvaŭ dziejańni Irana «vielmi drennym krokam» dla dvuchbakovych adnosinaŭ.
