Kiraŭnik RPC napiaredadni Rastva zaklikaŭ viernikaŭ admovicca ad kamfortu
Patryjarch Maskoŭski i ŭsioj Rusi Kirył pavinšavaŭ pravasłaŭnych chryścijan sa śviatam Rastva. U kaladnym pasłańni pradstajaciel Ruskaj pravasłaŭnaj carkvy zaklikaŭ viernikaŭ admovicca ad kamfortu jak najvyšejšaj kaštoŭnaści.
«Haspodź naradžajecca nie ŭ carskich charomach, a va ŭbohaj piačory, u vialikaj halečy. Zdavałasia b, što moža być horš za viarciep i jaśli dla žyvioły? Ale jość takoje miesca — heta vypalenaja hrachom pustynia serca čałavieka, jaki addaliŭsia ad Boha, spustošany, źniavoleny straściami», - havorycca ŭ pasłańni.
Patryjarch Kirył taksama zaklikaŭ ludziej nie stanavicca padobnym da Irada svaimi spravami, staviačy na pieršaje miesca ŭłasny dabrabyt i kamfort. Kiraŭnik RPC prapanavaŭ adkinuć «ciažar straściej» i zamiest hetaha pamalicca ab umacavańni adzinstva pravasłaŭja i «pamnažeńni lubovi».