Na «Naftanie» idzie pierapracoŭka nafty z Rasii, na Mazyrski NPZ pastavak pakul niama
Na «Naftanie» idzie pierapracoŭka nafty z Rasii, na Mazyrski NPZ nafta jašče nie pastupała, paviedamili BIEŁTA ŭ kancernie «Biełnaftachim».
«Nafta na «Naftan» pastupaje, pačałasia jaje pierapracoŭka. Z 17.00 4 studzienia na Naftan pastupiła 26,5 tys. t nafty. Zachoŭvajecca minimalnaja zahruzka pradpryjemstva», — prainfarmavali ŭ «Biełnaftachimie».
Jak paviedamlałasia, Rasija z 1 studzienia spyniła pastaŭki nafty ŭ Biełaruś. Biełaruskija NPZ (Mazyrski NPZ i «Naftan») źnizili zahruzku da technałahičnaha minimumu. U «Biełnaftachimie» zajavili, što hatovyja zabiaśpiečyć patreby ŭnutranaha rynku ŭ aŭtamabilnym palivie ŭ poŭnym abjomie. Ekspart naftapraduktaŭ časova prypynieny. 4 studzienia «Biełnaftachim» paviedamiŭ pra damoŭlenaść z Rasijaj na pastaŭku pieršaj partyi nafty, jakaja zakuplajecca pa košcie biez premii, u hety ž dzień nafta pačała pastupać na «Naftan».