Dačka zabitaha Sulejmani pradrakła «čornyja dni» dla ZŠA i Izraila
Dačka zabitaha amierykancami iranskaha hienierała Kasiema Sulejmani Ziejnab na cyrymonii pachavańnia baćki ŭ Tehieranie zajaviła, što ŭ Vašynhtonie darma spadziajucca na stanoŭčy vynik paśla taho, što adbyłosia ŭ mižnarodnym aeraporcie Bahdada, paviedamlaje ahienctva Reuters.
«Varjacki Tramp, nie dumaj tolki, što sa śmierciu majho baćki ŭsio skončycca», - skazała Ziejnab Sulejmani prysutnym. Jana dadała, što za hibiel hienierała ZŠA i ich sajuźnika Izrail čakajuć «čornyja dni».
Žałobnaja cyrymonija, kiruje jakoj Viarchoŭny lidar Irana Ajatała Chamieniei pačałasia va ŭniviersitecie Tehierana ranicaj 6 studzienia, paviedamlaje ahienctva IRNA. Raźvitacca z Sulejmanam pryjšli prezident Chasan Raŭchani, kiraŭnik parłamienta krainy, členy kabinieta ministraŭ, kiraŭnictva ŭzbrojenych sił.