Što my słuchali ŭ śniežni — vosiem najlepšych albomaŭ miesiaca AŬDYJA
Apošni miesiac minułaha hoda vydaŭsia nie samym bahatym na muzyčnyja navinki suśvietnaha maštabu, ale ŭ biełaruskich hurtoŭ vyjšła adrazu try relizy, vartyja našaha tradycyjnaha ahladu.
Kasta — Ob izjanie poniatno
Kasta źjaŭlajecca adnym z najbolš pavažanych kalektyvaŭ u rasijskim chip-chopie i adnačasova vielmi nietypovym dla hetaha žanru. Jaho ŭdzielniki — nie prablemnyja chłopcy, jakija čytajuć rep pra dziaŭčyn i hrošy, a paśpiachovyja siemjaniny z dobraj adukacyjaj i biez prablem z zakonam.
Adhetul i inšy ŭzrovień tvorčaści: pra aktualnyja prablemy rasijskaha hramadstva ź vielmi tonkim humaram. Jak dvaccać hadoŭ tamu, tak i ciapier.
NaviBand — NAVIBAND
Novy albom hurt rabiŭ u Kijevie razam z pradziusaram Vitalem Cialezinym, viadomym pa supracy z Akijanam Elzy i Lapisam Trubiackim.
U vyniku atrymaŭsia ciopły albom, u jakim NaviBand pasprabavali pašyryć svajo hučańnie i adnačasova zamacavacca ŭ svaim styli, jaki nadoŭha palapšaje nastroj i zachoŭvajecca ŭ hałavie.
The Who — WHO
Pieršy za 13 hod albom kultavych brytancaŭ, jaki Rodžer Dołtry i Pit Taŭnsend zapisvali asobna adzin ad adnaho.
Čaho možna čakać ad lehiendarnaha hurta, kali ŭdzielnikam pieravaliła za 70, a najlepšyja chity byli napisanyja bolš za 40 hadoŭ tamu? Ale novy albom pakazvaje były spryt The Who, jaki dazvoliŭ albomu dasiahnuć topavych pazicyj čartaŭ u Vielikabrytanii, ZŠA i Hiermanii.
Yann Tiersen — Portrait
Adzin z najbolš viadomych sučasnych kampazitaraŭ vyrašyŭ pierazapisać svaje najlepšyja treki i vydaŭ ich razam z tryma novymi pad nazvaj Portrait.
Intelligency — Renovatio
Technabluzmeny z Intelligency novym albomam sprabujuć pašyryć haryzonty i zachapić novyja aŭdytoryi. Ich novy albom — heta 12 trekaŭ na troch movach i fity ź viadomymi ŭ Biełarusi vykanaŭcami: Aniaj Ždanavaj, Groove Dealer i Palina.
Duster — Duster
Tym, kamu budzie nie daspadoby pieršy za 19 hadoŭ albom amierykanskaha słoŭkor-hurta, zmohuć acanić kocika ź jaho vokładki. U hetym płanie Duster vyłučajucca va ŭsim našym topie.
Muzyki zapisvali albom užyvuju ŭ haražy, sprabujučy viarnuć nas u muzyčnyja 90-ja. Jany jasna razumiejuć, što amatary ich pieršych albomaŭ mohuć nie acanić ciapier ich kambek, ale jany hatovyja čakać. Stolki, kolki čakali ad ich novaha alboma.
NIZKIZ — Somnambuła
Mahiloŭcy vypuścili svoj novy albom u piatnicu 13-ha u čas apošniaj poŭni 2019 hoda. «Somnambuła» — heta nabor historyj intravierta, u jakim stała mienš hitary i bolš novych fišak, krychu nietypovych dla adnaho z topavych biełaruskich hurtoŭ.
Sunday Service Choir — Jesus Is Born
Raskazvajučy pra novy albom Kańje Uesta, my nie abminuli ŭvahaj jahony hospeł-chor. I voś na Rastvo Sunday Service Choir vypuścili albom relihijnych piesień.
Jaho sustreli, kaniečnie, nieadnaznačna. Niekatoryja nazyvajuć jaho adzinaj rečču, što Kańje zrabiŭ svoječasova, a niekatoryja ličać «Jesus is born» najlepšym saŭndtrekam da adnaho z samych lubimych śviataŭ.
Našy papiarednija ahlady:
