Cana na rasijski haz vyznačanaja tolki na studzień-luty
31 śniežnia stała viadoma pra napružańnie ŭ pieramovach pra pastaŭki rasijskaj nafty ŭ Biełaruś. Pry hetym byli padpisanyja dapaŭnieńni da kantraktaŭ na tranzit i pastaŭku hazu «Hazpromam», jakija padaŭžajuć isnyja damovy da 2021 hoda.
Pry hetym, jak stała viadoma, kiraŭnik «Hazproma» Alaksiej Miler i pasoł Biełarusi ŭ Rasii Uładzimir Siamaška padpisali pratokoł pra ceny na haz dla Biełarusi tolki na studzień i luty 2020 hoda. U hetyja dva miesiacy cana dla Biełarusi zastaniecca na raniejšym uzroŭni — $127 za tysiaču kubamietraŭ.
Rasija trymajecca raniejšaj taktyki: trymać krainy na maksimalna karotkich kantraktach na pastaŭki enierhanośbitaŭ. U vypadku krain-satelitaŭ, kantrakty abumoŭlivajucca taksama šeraham palityčnych umoŭ.
Varta adznačyć, što jašče hod tamu cana $127 za tysiaču kubamietraŭ była istotna mienšaj za canu hazu, pa jakoj jaho atrymlivali inšyja jeŭrapiejskija krainy, ale ŭ hetym hodzie, z prychodam na jeŭrapiejski rynak vialikich kolkaściej zvadkavanaha hazu, ceny na haz istotna ŭpali, i cana hazu, jakuju vystaŭlaje dla Biełarusi Rasija, praktyčna zraŭnavałasia z toj, pa jakoj kuplajuć haz Niamieččyna i Ukraina.