Načalnik DAI: Nam patrebna balnaja sistema
Ab raspracoŭcy balnaj sistemy parušeńniaŭ dla kiroŭcaŭ 26 śniežnia raspavioŭ načalnik DAI Dźmitryj Karziuk.
Pa słovach Karziuka, suśvietny vopyt pakazvaje, što tam, dzie vykarystoŭvajecca balnaja sistema, kiroŭcy mienš parušajuć praviły. Abmierkavańnie pierśpiektyŭ takoj sistemy ŭ Biełarusi projdzie ŭ ekśpiertnaj kamisii pa źmianieńni zakanadaŭstva ŭ častcy administracyjnaha prava ŭ krainie.
DAI dla takoj sistemy prapanuje 15 bałaŭ. Pry hetym ich, mahčyma, nie stanuć naličvać za pieravyšeńnie chutkaści ruchu ad 10 da 20 km/h, u tym liku zafiksavanaje ŭ aŭtamatyčnym režymie śpiecyjalnymi techničnymi srodkami. Tym nie mienš pryjdziecca adkazvać za parušeńnie, praduhledžanaje č. 1 i č. 5 art. 18.13 dziejučaha Kodeksa ab administracyjnych pravaparušeńniach.
