Kiraŭnik DAI: Jość 8 tysiač kiroŭcaŭ, jakija sistemna parušajuć praviły. Pieraniasiem svoj upłyŭ na ich

DAI budzie bolš pilna pracavać ź sistemnymi parušalnikami praviłaŭ darožnaha ruchu. Pra heta zajaviŭ kiraŭnik arhanizacyi Dźmitryj Karziuk.

«Jość 8 tysiač kiroŭcaŭ, jakija sistemna parušajuć praviły darožnaha ruchu. Na 3,5 miljona kiroŭcaŭ — heta nie nadta vialikaja ličba.

Ale jość ludzi, jakija na praciahu hoda parušajuć praviły 100 i bolš razoŭ. Heta kiroŭcy ŭzrostam da 40 hadoŭ. Jany parušajuć chutkaść, praviły parkoŭki… My svoj upłyŭ pieraniasiem na ich, chto parušaje sistemna.

A chto ździejśniŭ niejkuju pamyłku ŭpieršyniu, nie ŭśviedamlajučy nastupstvy… Kali paśla praviadzieńnia prafiłaktyčnaj razmovy čałaviek zrobić vysnovy, ja dumaju što [hetaha budzie dastatkova]. Treba raźličvać na tych, chto razumieje. 

AJA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0