ES praciahnuŭ sankcyi suprać Rasii paśla samitu «narmandskaj čaćviorki»
Lidary krain — členaŭ Jeŭrasajuza na samicie ŭ Brusieli pryniali palityčnaje rašeńnie ab praciahu na paŭhoda ekanamičnych sankcyj suprać Rasii, termin dziejańnia jakich zakančvajecca 31 studzienia 2020 hoda, piša tass.ru.
Jak paviedamiła karespandentu TASS krynica ŭ delehacyi adnoj z krain supolnaści, rašeńnie było pryniata paśla taho, jak kancler Hiermanii Anhieła Mierkiel i prezident Francyi Emaniuel Makron koratka prainfarmavali astatnich lidaraŭ ab chodzie realizacyi minskich pahadnieńniaŭ pa ŭrehulavańni va Ukrainie ŭ śviatle samitu ŭ «narmandskim farmacie», što adbyŭsia 9 śniežnia ŭ Paryžy.
Čakajecca, što ŭ bližejšyja tydni rašeńnie ŭstupić u siłu.
U 2014 hodzie Jeŭrasajuz uvioŭ sankcyi ŭ dačynieńni RF u suviazi z anieksijaj Kryma i ŭvarvańniem na Danbas.
Byli prypynienyja pieramovy pra biaźvizavy režym i novaje bazavaje pahadnieńnie ab supracoŭnictvie, uviedzieny zabarona na ŭjezd u krainy ES dla słužbovych asobaŭ z RF i zamarožanyja ich aktyvy. Taksama byli ŭviedzienyja abmiežavalnyja miery handlovaha, finansavaha i vajskovaha charaktaru. U adkaz Rasija zabaraniła impart z krain Jeŭrasajuza šerahu charčovych tavaraŭ.