Brata zabitaha siektantami ŭ Rasii 9-hadovaha biełarusa źmiaścili ŭ psichijatryčnuju balnicu
Brata zabitaha ŭ Jekaciarynburhu (RF) dzieviacihadovaha chłopčyka źmiaścili ŭ psichijatryčnuju balnicu razam ź jašče dvuma dziećmi, baćki jakich byli ŭ siekcie. Pra heta tass.ru paviedamiła krynica ŭ pravaachoŭnych orhanach.
«U psichijatryčnuju lakarniu pastupili troje dziaciej, baćki jakich byli ŭ siekcie. Siarod ich — starejšy brat zahinułaha dziciaci, jamu 12 hadoŭ, jon nikoli nie vučyŭsia ŭ škole», - skazaŭ surazmoŭca ahienctva. Dzieci prachodziać poŭnaje abśledavańnie, bo zaznali psichičny cisk.
U kancy listapada ŭ Jekaciarynburhu znajšli cieła 9-hadovaha chłopčyka. Vyśvietliłasia, što jaho baćki — členy siekty «Vučni Chrysta», jakuju arhanizavała niejkaja Ziemfira Hajnulina, jakaja sama siabie nazyvaje Famar.
40-hadovy Ivan Kazancaŭ siek syna rozhami, zatknuŭšy małomu rot klapam. U vyniku, chłopčyk zadychnuŭsia, tady Kazancaŭ paklikaŭ Hajnulinu, kab taja ažyviła małoha. Nie atrymałasia. Tady cieła chłopca zakapali ŭ parku.
Ivan Kazancaŭ z žonkaj peŭny čas žyli ŭ Biełarusi: jon rasijanin, ale žonka maje biełaruskaje hramadzianstva. Biełarusam byŭ i ich zabity syn.