BČ uvodzić novy hrafik ruchu ciahnikoŭ z 8 śniežnia
Biełaruskaja čyhunka z 00.00 8 śniežnia ŭvodzić novy hrafik ruchu ciahnikoŭ, paviedamlaje BiełTA.
U mižnarodnych znosinach pryznačany ciahnik №26/25 Hrodna-Minsk-Maskva. Ź pieryjadyčnaściu raz u čatyry dni buduć kursiravać ciahniki №250/249 Hrodna-Sankt-Pieciarburh-Hrodna. Arhanizavana štodzionnaje kursiravańnie dvuch par ciahnikoŭ Homiel-Navazybkaŭ uranku i ŭviečary.
Z 8 śniežnia ŭvodziacca try pary ciahnikoŭ mižrehijanalnych linij biźnies-kłasa Minsk-Viciebsk. Maršruty ciahnikoŭ rehijanalnych linij biźnies-kłasa Minsk-Baranavičy z ulikam popytu praciahnutyja da stancyi Brest-Centralny i pieraviedzienyja ŭ katehoryju mižrehijanalnych.
Dla ciahnikoŭ №650 Brest-Mahiloŭ i №96 Brest-Maskva, №308 Baranavičy-Sarataŭ, №318 Baranavičy-Karahandy, №627 Minsk-Hrodna i №658/657 Brest-Minsk praduhledžany prypynak na stancyi Haradzieja. Na stancyi Čyrvony Bierah buduć spyniacca ciahniki №150 Minsk-Minieralnyja Vody, №302 Minsk-Adler i №390 Minsk-Anapa.
Taksama dadatkova pryznačanyja ciahniki rehijanalnych linij ekanamkłasa Mahiloŭ-Žłobin, Rahačoŭ-Homiel, Rečyca-Homiel, Homiel-Dobruš.
Dla ciahnika rehijanalnych linij ekanamkłasa №7032 Hudahaj-Maładziečna-Minsk adpraŭleńniem sa stancyi Hudahaj u 5.53 praduhledžany ŭsie prypynku na ŭčastku Hudahaj-Maładziečna.
