U Minsku pradstavili adnu z samych vialikich u śviecie aeratrub
U TRC Palazzo pradstavili aerotrubu iFLY, jakaja jašče da zapusku ŭvajšła ŭ pieralik najbujniejšych u śviecie.
Aeratruba zajmaje bolšuju častku paŭdniovaha kryła TRC Palazzo na skryžavańni vulic Cimirazieva i Arłoŭskaj. Siarod klučavych adroźnieńniaŭ — vielizarnyja pamiery kanstrukcyi: prazrystaja «šklanka», u jakoj i adbyvajucca paloty, pa vyšyni supastaŭnaja ź piacipaviarchovym domam. Jana dazvalaje biaśpiečna zymitavać svabodnaje padzieńnie. U Jeŭropie abjekt takoj vyšyni pracuje tolki ŭ Paryžy.
Paryć nad ziamloj dazvalajuć 4 mahutnyja ruchaviki. Jany stvarajuć pavietrany patok z chutkaściu bolš za 250 km/h. Padčas palotu možna ŭźlatać, apuskacca, svabodna źmianiać stanovišča i ździajśniać akrabatyčnyja kulbity. Padobnyja truki možna bačyć u filmach «Misija nievykanalnaja».
Kanstrukcyja ŭsiesiezonnaja i nie zaležyć ad nadvorja za aknom. U samoj trubie dziejničaje ŭnikalny klimat-kantrol. Sistema astudžeńnia dapamahaje ruchaviku astyć paśla razahrevu i ŭvieś čas zabiaśpiečvaje ŭ palotnaj zonie kamfortnyja 23—25 hradusaŭ. Hetaja asablivaść taksama vyłučaje minskuju aeratrubu siarod isnujučych anałahaŭ.
Uvieś abjekt ŭźviali pa technałohii amierykanskaj kampanii iFLY, jakaja praduhledžvaje poŭnuju biaśpieku padčas palotu. Apošnija tydni tut prachodzili vyprabavańni, paralelna išła padrychtoŭka instruktaraŭ.
Aeratruba padychodzić dla ŭsich achvotnych ad 3 da 103 hadoŭ i nie patrabuje śpiecyjalnaj padrychtoŭki. Pierad palotam treba nadzieć kambiniezon, šlem i akulary, a zaadno prajści 15-chvilinny instruktaž. Dźvie chviliny ŭ trubie paraŭnalnyja z 4 skačkami z parašutam, što dastatkova doŭha navat dla daśviedčanych parašutystaŭ. Palot prachodzić ź instruktaram, jaki dapamahaje adpracavać asnoŭnyja ruchu.
Taksama truboj buduć karystacca prafiesijnyja spartsmieny-parašutysty.
Na trecim paviersie TRC Palazzo arhanizavana ahladnaja placoŭka. U luby čas možna nazirać za palotami pačatkoŭcaŭ i vystupami prafiesijanałaŭ.
U iFLY Minsk taksama płanujuć realizavać sacyjalny prajekt dla dziaciej, jakija znachodziacca ŭ ciažkaj situacyi. U peŭnyja dni jany zmohuć palotać ŭ trubie biaspłatna. Ciapier viaducca pieramovy z dabračynnymi arhanizacyjami, jakija zojmucca farmavańniem hrup dziaciej ź invalidnaściu abo z damoŭ-internataŭ. U aeratrubie zmohuć biaspłatna pabyvać kala 1000 dziaciej za hod.
Trubu iFLY Minsk płanujuć aficyjna zapuścić u TRC Palazzo 14 śniežnia ŭ 12 hadzin. Na adkryćci abiacajuć pakazać «fantastyčnaje aerašou».
