U Minsku kiroŭca «Reno» źbiła 15-hadovuju dziaŭčynku
3 śniežnia kala 16:40 dziaŭčyna-kiroŭca «Reno Miehan» ruchałasia pa vulicy Siamaški i, prajazdžajučy piešachodny pierachod na dazvalalny sihnał śviatłafora, ździejśniła najezd na 15-hadovuju dziaŭčynku. Taja (pa słovach kiroŭcy) raptoŭna vybiehła na zabaranialny sihnał śviatłafora z-za hruzavika, što ruchaŭsia ŭ druhim šerahu. Pra heta paviedamiła staršy inśpiektar pa ahitacyi i prapahandzie ADAI Maskoŭskaha RUUS Minska Luboŭ Trapaška.
Fota: DAI Minska.
Infarmacyja praviarajecca.
Bryhada chutkaj dastaviła dziaŭčynku ŭ balnicu.
DAI nahadvaje, što pierachodzić prajeznuju častku možna tolki ŭ śpiecyjalna praduhledžanych miescach. Nielha pierabiahać darohu navat na dazvalalny sihnał śviatłafora! Budźcie ŭvažlivyja i jašče raz nahadajcie dzieciam ab praviłach pavodzin na darozie!