Pasažyr chacieŭ kupić tałončyk u kiroŭcy, a ŭ adkaz atrymaŭ dulu VIDEA
Pasažyr staličnaha aŭtobusa № 73 Alaksandr Ju. chacieŭ kupić tałončyk u kiroŭcy, a zamiest hetaha ŭbačyŭ «kanstrukcyju z troch palcaŭ». Videa incydentu chłopiec raźmiaściŭ u internecie, piša tut.by.
Aŭtar rolika na YouTube raspavioŭ, što 30 listapada, kala 20.00, jechaŭ na aŭtobusie 73-ha staličnaha maršrutu. Na prypynku jon źviarnuŭsia da kiroŭcy pa bilet ź dziesiacirublovaj kupiuraj — mienšaj u jaho nie było.
«Na što kiroŭca adkazaŭ, što zdačy niama, i prapanavaŭ jechać «pa fakcie». Ja spytaŭ, što heta značyć, na što atrymaŭ adkaz: «Treba było ŭ škole vučycca, kab nie zadavać tupyja pytańni». Ja pramaŭčaŭ, ale sfatahrafavaŭ kartku kiroŭcy. Kali vadziła ŭbačyŭ, što ja fatahrafuju jaho kartku, jon prosta vybuchnuŭ — staŭ kryčać i pakazaŭ kanstrukcyju z troch palcaŭ. Potym vyskačyŭ z kabiny i, hledziačy na pasažyraŭ, šukajučy padtrymki, praciahnuŭ harłapanić, što ja jaho pravakuju, što pahražajuć biaśpiecy ruchu i ciapier jon vykliča milicyju», — napisaŭ pasažyr.
Aŭtar videa paviedamiŭ, što jaho ŭ hetaj situacyi asabliva ŭraziła reakcyja niekatorych pasažyraŭ, jakija kazali, što jon nie maje racyi i nie pavinien zdymać.
U HP «Minsktrans» tut.by paviedamili, što daručyli aŭtaparku raźbiracca ŭ situacyi, ale dadali, «što kiroŭca ŭ lubym vypadku nie pavinien byŭ siabie tak pavodzić».
U aŭtobusnym parku № 6, jakomu naležyć aŭtobusny maršrut № 73, rastłumačyli, što na vyśviatleńnie abstavinaŭ kanfliktu advodzicca 10 dzion, «ale jak by tam ni było, kiroŭca budzie pakarany».