Afierystaŭ z falšyvymi «carskimi manietami» zatrymali ŭ Lepieli
Paśla publikacyi źviestak pra novy sposab machlarstva hramadzianie paznali afierystaŭ i dapamahli ich zatrymać, paviedamlaje milicyja.
Raniej MUS raskazvała pra złamyśnikaŭ, jakija pad vyhladam budaŭnikoŭ, što znajšli skarb, prapanujuć minakam kupić «załatyja» i «siarebranyja» maniety.
U Lepieli 21 listapada miascovy žychar ubačyŭ padazronych hramadzian niesłavianskaj źniešnaści. Jany na vulicy prapanoŭvali minakam kupić staradaŭnija maniety. Pilny haradžanin patelefanavaŭ pa telefonie 102.
Supracoŭniki milicyi nieŭzabavie vyjavili aŭto z rasijskimi numarami, na jakim pieramiaščalisia pradaŭcy «rarytetaŭ». Mužčynu i žančynu dastavili ŭ adździeł milicyi.
Užo ŭstanoŭlena, što zatrymanyja datyčnyja da anałahičnaj ździełki miesiačnaj daŭnaści ŭ Maładziečnie: tam miascovamu žycharu pradali try padroblenyja maniety i miedal.
Taksama stała viadoma jašče ab adnym paciarpiełym: žychar adnaho z abłasnych centraŭ zrazumieŭ, što jaho padmanuli, kali ŭbačyŭ pa televizary siužet na hetuju temu. Za padroblenuju kalekcyju jon zapłaciŭ hastraloram-ašukancam kala $5 tysiač.
