Milicyja papiaredžvaje pra aktyvizacyju kibiermachlaroŭ: za dva dni 150 vypadkaŭ z bankaŭskimi kartkami
Milicyja paviedamlaje, što pačaścilisia vypadki kibiermachlarstva. Pradstaŭlajučysia supracoŭnikami kantakt-centra ci słužby biaśpieki biełaruskich bankaŭ, złamyśniki telefanujuć z padmiennaha numaru telefona klijentam hetych ustanoŭ.
Apošnim jany paviedamlajuć ab učynienym u dačynieńni da ich machlarstvie i na padstavie błakavańnia rachunku prosiać paviedamić rekvizity płaciežnych kart. Paśla hetaha, zavałodaŭšy infarmacyjaj, vykradajuć hrošy.
Tolki za apošnija dva dni ŭ milicyju pastupiła bolš za 150 zajaŭ i paviedamleńniaŭ ad achviar višynhu.
U suviazi z hetym u MUS papiaredžvajuć:
— ni pad jakoj padstavaj nie pieradavajcie i nie paviedamlajcie apłatnyja rekvizity, poŭny numar kartki i termin jaje dziejańnia, łahin i parol da internet-banku, inšuju piersanalnuju infarmacyju;
—nie ŭstupajcie ŭ pieramovy ź nieznajomcam. Pakładziecie słuchaŭku i samastojna źviarniciesia ŭ bank pa numarach, paznačanych na aficyjnym sajcie;
— užyvajcie ŭsie dastupnyja sposaby abarony, prapanavanyja bankami (dvuchfaktarnuju aŭtaryzacyju, sms-abviestku pra raschodnyja apieracyi, limit źniaćcia hrašovych srodkaŭ i inš.);
— vykarystoŭvajcie składanyja paroli dostupu da ŭlikovych zapisaŭ elektronnaj pošty, da sistem «internet-bankinh», sacyjalnych sietak i inšych internet-servisaŭ;
— nie adkryvajcie elektronnyja paštovyja paviedamleńni, atrymanyja ad nieviadomych adpraŭnikoŭ i nie zapuskajcie ich;
— nie pierachodźcie pa nieviadomych spasyłkach i nie naviedvajcie internet-resursy sumniŭnaha źmiestu;
— pry naviedvańni internet-sajtaŭ źviartajcie ŭvahu na veb-adras internet-resursu.
Pamiatajecie: prośba nieznajomaha abanienta ab pradastaŭleńni kanfidencyjnaj infarmacyi śviedčyć pra toje, što razmova viadziecca z machlarom!
Supracoŭniki banka ni pry jakich abstavinach nie patrabujuć rekvizitaŭ bankaŭskich kart ci inšaj kanfidencyjnaj infarmacyi!
Papularnaja schiema machlaroŭ — napałochać achviaru. Scenary prostyja:
— «z vašaj kartaj adbyvajucca ašukanskija tranzakcyi»
— «z rachunku ŭžo śpisanyja hrošy i vyratavać ich možna ŭ ličanyja chviliny»
— «ad vašaha imia nakiravana zajaŭka na kredyt, treba terminova jaje admianić!»
— «na vaš rachunak pamyłkova zaličany pieravod, jaho treba viarnuć»
— Važna! Kali z kartaj sapraŭdy adbyvajucca ašukanskija apieracyi, bank sam moža jaje zabłakavać. U lubym vypadku, usie padazronyja situacyi lepš vyrašać ŭ adździaleńni banka asabista albo samastojna patelefanavać u kantakt-centr pa numarach, paznačanych na aficyjnym sajcie.
