Historyja Ukrainy za 5 chvilin. Multfilm vielmi padobny da biełaruskaha anałahu VIDEA
Viadomy ukrainski hurt TNMK pradstaviŭ videa, u jakim historyja Ukrainy vykładajecca ŭ formie rečetatyvu za piać chvilin z vydatnaj animacyjaj aŭtarstva Saška Danilenki. Videa było stvoranaje pry padtrymcy Ministerstva infarmacyjnaj palityki Ukrainy, paviedamlaje budzma.by.
Karystalniki internetu adznačajuć supadzieńni i padabienstvy ŭ niekatorych miescach teksta i animacyi, adnak hurt TNMK śćviardžaje, što jany nikoli nie bačyli biełaruski multfilm, jaki źjaviŭsia ŭ 2012 hodzie. Tym nie mienš aŭtar ukrainskaj animacyi znajomy z multom «Budźma biełarusami!»: jon nieadnarazova rabiŭ kamplimienty hetaj pracy jaje aŭtarcy — Julii Rudzickaj. A aŭtar teksta, paet Arciom Palažaka, naŭprost kaža, što natchniaŭsia padčas stvareńnia tekstu mienavita biełaruskaj ryfmoŭkaj Lavona Volskaha. Tamu pra tvorčaje złačynstva kazać zusim nie vypadaje, my radyja, što natchnili ukrainskich kaleh svajoj animacyjaj!