Staŭka refinansavańnia źnižajecca da 9%
Staŭka refinansavańnia ŭ Biełarusi ad 20 listapada źnižajecca z 9,5% da 9% hadavych, staŭka pa kredycie oviernajt — z 10,75% da 10% hadavych, staŭka pa depazicie oviernajt — z 8,25% da 8% hadavych, paviedamlaje BiełTA.
U trecim kvartale intensiŭnaść inflacyjnych pracesaŭ praciahnuła zapavolvacca. Dynamika faktyčnaj hadavoj inflacyi, jakaja ŭ vieraśni skłała 5,3%, farmirujecca ŭ adpaviednaści z prahnoznymi acenkami Nacyjanalnaha banka. Čakajecca, što ŭ kancy 2019 hoda i na praciahu 2020 hoda inflacyja budzie znachodzicca ŭ miežach 5%.
«Pryniatyja rašeńni zabiaśpiečvajuć zachavańnie niejtralnaha charaktaru hrašova-kredytnaj palityki», - adznačyli ŭ Nacbanku.
Aznačanaje źnižeńnie stavak pa kredycie i depazicie oviernajt zabiaśpiečyć zvužeńnie kalidora pracentnych stavak pa instrumientach rehulavańnia likvidnaści bankaŭ da 2 pracentnych punktaŭ. Jak rastłumačyli ŭ Nacbanku, u dalejšym hetyja staŭki buduć źmianiacca adnačasova sa staŭkaj refinansavańnia na adpaviednuju vieličyniu.
