U Polščy zatrymali biełarusa, jaki padazrajecca ŭ hučnym abrabavańni kramy ŭ Vienie
23 vieraśnia ŭ Vienie dvoje mužčyn kala 9:30 ranicy abrabavali sa zbrojaj juvielirnuju kramu, jaje ŭładalnikam byli naniesieny cialesnyja paškodžańni.
Napadniki dziejničali dziorzka, zrabili niekalki papieradžalnych strełaŭ, raźbili vitryny i, vykraŭšy juvielirnyja vyraby, uciakli na zahadzia padrychtavanym aŭtamabili. U ciapierašni čas aŭstryjskaj palicyjaj u suviazi z dačynieńniem da ździajśnieńnia dadzienaha złačynstva adšukvajecca hramadzianin Biełarusi Ž., paviedamlaje pres-słužba milicyi.
U chodzie mierapryjemstvaŭ, praviedzienych pravaachoŭnikami Aŭstryi, Biełarusi i Polščy, stała viadoma, što da ździajśnieńnia dadzienaha złačynstva maje dačynieńnie jašče adzin naš suajčyńnik, žychar Hrodzienskaj vobłaści. U vyniku mižnarodnaj śpiecapieracyi ŭ noč z 17 na 18 listapada jaho zatrymali ŭ Polščy. Mužčyna aryštavany dla ekstradycyi ŭ Aŭstryju.
HUBAZiK MUS praciahvaje pracu pa zbory dokazaŭ dačynieńnia nazvanych hramadzian da razbojnaha napadu.
«U apošnija hady nazirajecca tendencyja vyjezdu raniej sudzimych hramadzian Biełarusi ŭ krainy Jeŭrasajuza dla ździajśnieńnia złačynstvaŭ. Kab procidziejničać hetaj źjavie, naładžana ciesnaje ŭzajemadziejańnie z pravaachoŭnikami zamiežnych dziaržaŭ. Asabliva, heta tyčycca pracy pa raskryćci ciažkich złačynstvaŭ. Usie zapyty staranna adpracoŭvajucca», - rastłumačyŭ načalnik adździeła HUBAZiK MUS Alaksiej Aksionaŭ.
