U Chocimskim rajonie Mazda z padletkami vylecieła ŭ kiuviet: adzin z pasažyraŭ zahinuŭ na miescy
Pavodle Śledčaha kamiteta, 17 listapada kala 21-j hadziny niepadalok ad vioski Jelnia ŭ Chocimskim rajonie, prajazdžajučy skryžavańnie, aŭtamabil Mazda Xedos 6 vylecieŭ u kiuviet. Za rulom mašyny znachodziŭsia 21-hadovy małady čałaviek, u sałonie — 3 dziaŭčyny i 2 chłopca. Samamu małodšamu pasažyru — 15 hadoŭ, samamu starejšamu — 23.
Pa papiarednich danych, kiroŭca byŭ ćviarozy, ale nie ŭličyŭ tuman, u vyniku čaho, prajechaŭšy skryžavańnie, Mazda apynułasia ŭ kiuviecie. U hetaj avaryi aŭtamabil surjozna paciarpieŭ, a pasažyr, jaki siadzieŭ na piarednim pasažyrskim siadzieńni — zahinuŭ. Inšyja pasažyry aŭtamabila i kiroŭca dastaŭleny ŭ najbližejšuju balnicu z roznymi traŭmami.
Pa fakcie DTZ raspačata kryminalnaja sprava za parušeńnie pravił darožnaha ruchu asobaj, jakaja kiravała transpartnym srodkam, što paciahnuła pa nieaściarožnaści śmierć čałavieka.
