U Minsku začyniajucca ŭsie kramy Reserved, Mohito, Sinsay, Cropp, House
U Minsku začyniajucca ŭsie kramy polskaha brenda LPP, kudy ŭvachodziać Reserved, Mohito, Sinsay, Cropp, House. Biełaruskija kampanii raźvivali punkty pa franšyzie, ale ciapier cierpiać straty. Što adbyvajecca — u materyjale TUT.BY.
U mai ŭ handlovym centry Galleria Minsk niečakana likvidavali kramu polskaha brenda Reserved. U hrupie kampanij «Rapa» patłumačyli, sprava nie ŭ novaj kramie H&M, a ŭ supracoŭnictvie z polskim bokam — kampanijaj LPP.
Ciapier u Galleria Minsk začynili kramu Sinsay, nieŭzabavie likvidacyja čakaje Mohito, Cropp, House, a taksama Reserved u Green City. Hetyja kramy jašče pracujuć, praŭda z Cropp i House ŭžo źniali šyldy. Akazvajecca, polski bok navat nie staŭ vykuplać adkrytyja pa ŭsich umovach franšyzy kramy. Dalej palaki zacikaŭleny raźvivać brendy samastojna.
Frančajzi: «U apošni momant polski bok admoviŭsia ad kupli našych mahazinaŭ»
U Biełarusi piać brendaŭ partfiela LPP raźvivali hrupa kampanij «Rapa» i kampanija «TDM-impart».
Pieršaja zajmałasia kramami Reserved, Mohito i Sinsay. Kiraŭnik roźničnymi prajektami hrupy kampanij «Rapa» Anton Siemianienka kaža, što polskija partniory rabili ŭsio, kab razarvać adnosiny ź biełaruskimi kampanijami.
— Byŭ zaklučany dahavor ab tym, što polski bok kuplaje ŭ nas hetyja kramy (Reserved, Mohito, Sinsay), ale ŭ apošni momant jany admovilisia ad kupli. Jany nieprystojna siabie paviali — nie vytrymali ŭzhodnienyja ŭmovy kantraktu frančajzinhu i damovy ab kupli-prodažy kram. LPP rabili ŭsio, kab zakryć hetyja kramy i nie raźvivać biznes jak frančajzinhavy partnior.
Kampanija «TDM-impart» raźvivała dva brendy — House i Cropp. Z House supracoŭnictva pačałosia jašče ŭ 2006 hodzie, kali brend nie ŭvachodziŭ u partfiel LPP. Z 2016 hoda ŭ biełaruskaj kampanii ŭdałosia damovicca z LPP ab kupli franšyzy.
— Abstalavańnie treba było zakuplać u polskich vytvorcaŭ, prytym što anałahi inšaj vytvorčaści možna było kupić i tańniej. Kantrol pierad zapuskam taksama pavinny byli ažyćciaŭlać tolki polskija śpiecyjalisty. Usie ŭmovy pa franšyzie my trymali, — raspaviadaje kiraŭnik «TDM-impart».
Dva brendy ad «TDM-impart» byli pradstaŭleny ŭ TRC Galleria Minsk. House pracavaŭ jašče ŭ Hrodnie i Breście. Ale dalej čatyroch mahazinaŭ raźvićcio nie išło.
«Sumniavajusia, što my mahli b zrabić tak u Polščy»
Kiraŭnictva kampanii «TDM-impart» tłumačyć, što viasnoj u 2019 hodzie pradstaŭnikoŭ biełaruskaj kampanii zaprasili ŭ Hdańsk na sustreču ź vice-prezidentam LPP. Tady pastupiła prapanova vykupić u Minsku kramy kala «TDM-impart», paśla abmiarkoŭvalisia ŭmovy. A ŭžo ŭ žniŭni LPP pierastali pastaŭlać tavar i dasłali paviedamleńnie ab skasavańni dahavora franšyzy. U vyniku kramy, jakija adkryvaŭ «TDM-impart» u Minsku, LPP taksama nie vykupiŭ.
- U apošni momant LPP pa nadumanych padstavach skasavali damovy. My ŭkładvali vialikija hrošy ŭ adkryćcio kram, u nas byŭ zaklučany kantrakt na piać hadoŭ. A atrymałasia tak, što za košt nas i «rapy» LPP «pramacali» biełaruski rynak bieź finansavych ryzyk.
Ciapier z kram House i Cropp u HC Galleria Minsk źniali šyldy, ale jany ŭsio jašče pracujuć
Kiraŭnik kampanii kaža: kali polski bok pierakanaŭsia ŭ tym, što im cikava raźvivać svaje brendy ŭ Biełarusi, jany skasavali damovy z frančajzi.
— Asadak zastaŭsia niepryjemny, u nas vialikija finansavyja straty. Zamiežnyja kampanii mohuć tak pastupać, ale ja sumniavajusia, što my mahli b zrabić tak u Polščy. Pa damovie, usie sprečnyja pytańni vyrašajuć u sudzie Hdańska. Zaraz my kansultujemsia ź jurystami, jak budziem pastupać u hetaj situacyi.
Što kaža kiraŭnictva LPP?
Dyrektar pa raźvićci i inviestycyjach LPP Jan Hrunt raspavioŭ, što kamientavać zakryćcio partniorskich mahazinaŭ u Minsku ŭ kampanii nie hatovyja.
— Mahu paćvierdzić, što naša kampanija zacikaŭlena i budzie adkryvać ułasnyja kramy ŭ Biełarusi ŭ najbližejšy čas. My ŭžo ŭ kantakcie z bujnymi handlovymi abjektami, — skazaŭ kiraŭnik. Ad inšych kamientaroŭ jon ustrymaŭsia.
