U Miorskim rajonie dzieci prahulali škołu i ŭsiu noč chavalisia ad baćkoŭ u puni na sienie. Na nohi padniali ŭsiu milicyju
U Miorskim rajonie milicyja ŭsiu noč šukała dvuch vaśmikłaśnikaŭ, paviedamiŭ BiełTA aficyjny pradstaŭnik UUS Viciebskaha abłvykankama Vital Sapronienka.
Z paviedamleńniem pra źniknieńnie dziaciej, jakija pražyvajuć u vioscy Pcickija i ahraharadku Čarasy, u miascovy RAUS napiaredadni kala 23.00 źviarnulisia ich baćki. Jak vyśvietliłasia, źnikłyja, adnakłaśniki adnoj ź miorskich škoł, ranicaj syšli ŭ škołu, ale zaniatki prahulali. Z bojazi atrymać doma zasłužany nahaniaj siabry vyrašyli syści z doma i schavalisia na sienavale ŭ vioscy Siłava. Mienavita tam i znajšli ich siońnia kala 10.00 supracoŭniki milicyi.
«Da pošuku dziaciej pa tryvozie byŭ padniaty ŭvieś skład RAUS. Ciapier ź imi i baćkami pracujuć supracoŭniki inśpiekcyi pa spravach niepaŭnaletnich, jakija vyśviatlajuć usie akaličnaści zdareńnia. Z chłopcami usio ŭ paradku», — dadaŭ Vital Sapronienka.
