Uładzimir Makiej patłumačyŭ, navošta zavioŭ sabie instahram
Fota Volhi Šukajła
Na dniach ministr zamiežnych spraŭ zavioŭ staronku ŭ Instagram. U podpisie da pieršaj fatahrafii, apublikavanaj 8 listapada, Makiej napisaŭ, što pryjšoŭ u sacsietku, «kab kantaktavać z dobrymi ludźmi i, kali spatrebicca, dać adkaz niadobrym», nahadvaje Tut.by
Pres-sakratar MZS Anatol Hłaz paćvierdziŭ, što akaŭnt — sapraŭdny i ministr zavioŭ piersanalnuju staronku jašče i ŭ fejsbuku.
Sam Makiej kaža, što rašeńnie prysutničać u sacsietkach stała dla jaho nie takim lohkim.
— Dziŭnaja atrymlivajecca situacyja: dziaržaŭnaha słužačaha niama ŭ sacsietkach — značyć «usio nieadukavanyja i nieaktyŭnyja» (heta jašče miakka skazana). Źjaviŭsia i zaŭvažany — znoŭ šerah pytańniaŭ. Pry hetym čaściakom źmiest stanovicca druhasnym. Nie skažu, što rašeńnie asabista prysutničać u sacyjalnych sietkach było lohkaje i spantannaje. Zusim nie. Ale całkam vidavočna, što siońnia sacsietka — heta asobnaja novaja realnaść, jakaja praciahvaje imkliva raźvivacca. Usia maja siamja i bolšaść maich kalehaŭ ŭžo daŭno ŭ joj.
Nie dla demanstracyi piśmiennaści, a ŭ jakaści dadatkovaha arhumientu chacieŭ by pryvieści pryhožaje łacinskaje vysłoŭje, što zapomniłasia jašče sa studenckich časoŭ, — Volentem ducunt fata, nolentem trahunt (žadajučaha viadzie los, niežadajučaha ciahnie). Sens nakont ruchu ŭ nahu z časam, dumajecca, zrazumieły. A heta vielmi aktualna ŭ naš čas, čas fejkavych navin, insinuacyj, abvinavačvańniaŭ, zdahadak i h.d. i t. p, — ličyć Uładzimir Makiej.
Kiraŭnik MZS hatovy adkazvać i na asabistyja paviedamleńni, jakija buduć jamu prychodzić u sacsietkach.
— Pastarajusia pry najaŭnaści volnaha časavaha resursu. Bolš za toje, pakul nie liču siabie prafiesijnym karystalnikam sacyjalnych sietak, — adznačyŭ ministr.
