Skandał u Rasii: Pry budaŭnictvie kasmadroma Uschodni skrali 11 miljardaŭ
Pres-sakratar prezidenta Rasii Dźmitryj Piaskoŭ zajaviŭ ab kradziažy 11 miljardaŭ rubloŭ sa srodkaŭ, vydzielenych na budaŭnictva kasmadroma Uschodni, paviedamlaje «Intierfaks».
«Usiaho pry budaŭnictvie Uschodniaha było vykradziena — ustanoŭlena, što było vykradziena — 11 młrd rubloŭ (173 młn dalaraŭ). Viernuta 3,5 młrd rubloŭ» (55 młn dalaraŭ), — adznačyŭ Piaskoŭ. «Usiaho ŭ ahulnym abjomie na budaŭnictva Uschodniaha byŭ vyłučany 91 młrd rubloŭ (1,4 młrd). Ź ich asvojena 66 młrd rubloŭ», — skazaŭ jon.
Z 19 abjektaŭ nie zavieršana budaŭnictva piaci, dadaŭ jon.
Pa słovach Piaskova, «na pieršym etapie było ŭzbudžana 128 kryminalnych spraŭ, potym jany byli abjadnany ŭ 32 spravy». «Zatym, na nastupnaj stadyi SK vyłučyŭ 21 kryminalnuju spravu i ŭžo pieradaŭ u sud», — praciahnuŭ Piaskoŭ, dadaŭšy, što tady było asudžana 18 čałaviek. Dadatkova vosiem spraŭ viało MUS. Usiaho asudžana 32 čałavieki.
Na pytańnie žurnalistaŭ, ci čakać novych kryminalnych spraŭ u suviazi z budaŭnictvam kasmadroma «Uschodni», Piaskoŭ adznačyŭ: «Piać kryminalnych spraŭ u pracy ŭ Śledčaha kamiteta».
