Hałkin žorstka vyśmiejaŭ Pucina i rasijskaje telebačańnie
Televiadučy i šoŭmen Maksim Hałkin «mieŭ racyju», kali skazaŭ ab tym, što na rasijskim telebačańni jość cenzura. Pra heta vydańniu Ura.ru paviedamiŭ televiadučy Uładzimir Poźnier, piša rbc.ru.
Na dumku Poźniera, «tak na ŭsim našym telebačańni, nie tolki na «Pieršym kanale». «Niama takoha kanała, dzie, kali kažuć pra palityku, možna kazać usio», - dadaŭ jon. Poźnier ŭ razmovie taksama zadaŭsia dvuma pytańniami: «Heta, što, niečakanaja dla nas reč?» I «My hetaha nie viedali?»
Pra cenzuru na rasijskim telebačańni Hałkin zajaviŭ padčas svajho vystupu ŭ Novasibirsku. Frahmient videa z kancertu byŭ apublikavany na Youtube.
Pavodle jaho słoŭ, u efiry rasijskaha TV pastajanna aśviatlajuć padziei va Ukrainie zamiest rasijskaj paviestki. Akramia taho, Hałkin adznačyŭ, što «savieckija časy viarnulisia, u najhoršym sensie słova».
