Treciaja carkva pryznała Pravasłaŭnuju carkvu Ukrainy
Pradstajaciel Aleksandryjskaj pravasłaŭnaj carkvy patryjarch Teador II abviaściŭ ab pryznańni niezaležnaj ad Maskoŭskaha patryjarchata Pravasłaŭnaj carkvy Ukrainy, piša Radyjo Svaboda.
Patryjarch Aleksandryjski Fieador II. Fota: wikipedia.org.
Pra heta jon zajaviŭ 8 listapada ŭ Kairy. Jon užo pamianuŭ pradstajaciela PCU mitrapalita Jepifanija padčas liturhii.
Aleksandryjskaja carkva — treciaja z čatyrnaccaci ahulnapryznanych pravasłaŭnych cerkvaŭ, jakija pryznali niezaležnaść ŭkrainskaj. Raniej heta zrabili Kanstancinopalskaja pravasłaŭnaja carkva (studzień 2019) i Hrečaskaja pravasłaŭnaja carkva (kastryčnik 2019).
Aleksandryjski patryjarchat — adzin z čatyroch najstarejšych histaryčnych pravasłaŭnych patryjarchataŭ i adzin z samych pavažanych u pravasłaŭnym śviecie, jon zajmaje druhoje miesca paśla Usialenskaha patryjarchata ŭ dyptychu — tradycyjnym śpisie pamiesnych pravasłaŭnych cerkvaŭ.