Łoś bieznadziejna biŭsia ab sietku i nie moh vybracca z trasy M6 VIDEA
Sietka ŭzdoŭž trasy M6 maje mnostva bram, praź jakija na darohu mohuć svabodna vychodzić dzikija žyvioły. Prablema ŭ tym, što nazad u les žyvioła čaściakom viarnucca nie moža i akazvajecca ŭ łabiryncie. Čytačka AŭtaHrodna stała vidavočcam takoj situacyi. Dziaŭčyna kaža, što adrazu dva łasi nie mahli znajści darohu ŭ les.
Pahladzicie, jak łoś bieznadziejna bjecca ab sietku.
Šyrynia prachodu mietraŭ 10. Padobnyja praryvy, jakija viaduć u pali i lasy, sustrakajucca pamiž Ščučynam i Lidaj rehularna, ź intervałam kala 2-3 kiłamietraŭ i čaściej.
Viadoma, što prablemu chočuć vyrašać z dapamohaj śviatłoadbivalnaj plonki siniaha koleru, jakuju płanujuć ustalavać na padobnyja prachody. Pa zadumcy, žyvioła baicca siniaha koleru i nie budzie vychodzić na darohu padčas nabližeńnia aŭtamabila z uklučanymi farami.
