U Balivii hałasy pieraličać mižnarodnyja naziralniki
Fota Sebastian Baryli, flickr.com.
Apazicyja asprečvaje pieramohu prezidenta Balivii Eva Maralesa. Marales kiruje krainaj užo 14 hadoŭ. Jon naležaŭ da hrupy prezidentaŭ «čyrvonaha pojasa» Łacinskaj Amieryki razam z Čavesam i Kiršnier.
Marales źmianiŭ kanstytucyju krainy, što dazvoliła jamu bałatavacca na čarhovy termin. Pavodle aficyjnych vynikaŭ, Marales sabraŭ 47,08 % hałasoŭ, tady jak jaho hałoŭny kankurent, eks-prezident krainy ŭ 2003—2005 hadach, 36,51 %.
Vybarčy zakon u Balivii taki, što dla pieramohi ŭ pieršym tury dastatkova nabrać 40 % hałasoŭ i na 10 % bolš, čym najbližejšy kankurent. Apazicyja vinavacić ułady krainy ŭ padtasoŭcy vynikaŭ. U vypadku druhoha tura šancy apazicyjnaha kandydata vysokija, bo bolšaść astatnich kandydataŭ hatovyja abjadnacca suprać Maralesa.
Rašeńnie ab aŭdycie vynikaŭ vybaraŭ było pryniataje paśla tydnia pratestaŭ u stalicy krainy i inšych haradach.
Marales abapirajecca na biednych sialan i karennaje indziejskaje nasielnictva, apazicyju padtrymlivaje stalica i bolš zamožnyja rehijony. Pry Maralesie ekanomika Balivii rasła imklivymi tempami dziakujučy rostu zdabyčy hazu. Marales zmusiŭ mižnarodnyja karparacyi płacić bolš vysokija padatki, što dało ŭradu hrošy na sacyjalnyja prajekty. Apazicyja vinavacić jaho ŭ aŭtarytarnych zamaškach i raspalvańni varožaści.
