Biełarusy pačnuć całkam apłačvać kamunałku nie raniej za 2026 hod
Biełaruś razam z Suśvietnym bankam rychtuje prahramu reformaŭ, jakaja ŭ tym liku ŭklučaje pytańni apłaty kamunalnych pasłuh nasielnictvam. Pra heta pieršy vice-premjer Alaksandr Turčyn raspavioŭ na Kastryčnickim ekanamičnym forumie, piša Tut.by.
U ramkach realizacyi prahramy z Suśvietnym bankam pytańni apłaty kamunalnych pasłuh nasielnictvam pavinny stać samymi balučymi. Ale pieršy vice-premjer adznačyŭ, što vychad na 100% apłaty aciapleńnia, da prykładu, zapłanavany tolki na 2026 hod.
— Da hetaha pytańnia treba padychodzić aściarožniej za inšyja, uličvać, jak jano ŭsprymajecca nasielnictvam, — adznačyŭ jon.
Taryfy na kamunalnyja pasłuhi buduć raści pastupova.
Akramia taho, termin vychadu na stopracenntuju apłatu kamunałki vyrašyli addalić nastolki, kab možna było vykonvać daručeńnie prezidenta pa pamierach štohadovaha pavyšeńnia apłaty pracy.
Raniej vice-premjer Uładzimir Kucharaŭ raspaviadaŭ, što ŭ hetym hodzie taryfy na kamunałku pavyšacca nie buduć.
