Lipkovič: Z fašysta Sieviarynca lepiać salidnaha palityka
Praciŭniki Paŭła Sieviarynca praciahvajuć dabivacca jaho vyklučeńnia z PEN-Centra.
«Na «Radyjo Svaboda» ŭ ich palitbiuro sa skury vyrynajuć, kab vylepić z fašysta, demahoha i idejnaha psichapata Pašy Sieviarynca salidnaha palityka, t.zv. «jeŭraskieptyka», — piša ŭ siabie ŭ fejsbuku mastak i piśmieńnik Jaŭhien Lipkovič. — Vyklučna šlacham manipulacyj Barščeŭskaha (i Arłova) na źjeździe PENa Sieviarynca praciahnuli nazad u skład arhanizacyi», — atakuje Lipkovič.
Pieršaja namieśnica staršyni PEN-Centra Taćciana Niadbaj, u svaju čarhu, adznačaje: «Svaboda słova — prava nie absalutnaje, heta značyć, što jano moža być lehitymna abmiežavanaje ŭ mirny čas — naprykład, dla niedapuščeńnia dyskryminacyi i prapahandy varožaści. Pakolki vykazvańni Sieviarynca viaduć da varožaści i dyskryminujuć peŭnuju hrupu ludziej, tut nie nahoda kazać pra parušeńnie svabody słova».
«Siońnia maja mama skazała mnie, što ja ehaistka, tamu što ja paviedamiła joj, što ja znachodžusia ŭ surjoznych adnosinach z žančynaj. A ŭ subotu arhanizacyja, jakoj ja addała piać hadoŭ svajho žyćcia, skazała mnie, što budzie, chutčej, abaraniać hamafoba, jaki adkryta pahardžaje hiejami, čym uźnimiecca suprać hamafobii. Paśla ludzi skazali majmu siabru, jaki zapościŭ fak, pakazany hamafobu, što jon zrabiŭ kiepska i pamyłkova i što jon sam nie lepšy za hamafoba, kali jon tak zrabiŭ, i što mienavita za heta ŭsie nienavidziać hiejaŭ — bo my takija złyja, i emacyjnyja, i niecyvilizavanyja ŭvohule i ŭ cełym i my niepryjemnyja i ehaistyčnyja ludzi», — narakaje Daša Ramanovič. «O, naš ehaizm … prosta ŭ tym, što my patrabujem, kab da nas stavilisia z toj ža pavahaj, ź jakoj staviacca da hieteraseksuałaŭ», — emacyjna piša jana.
A IT-śpiecyjalist i veb-dyzajnier Biełaruskaha PEN-Centra i zasnavalnik «Makeout»-a Mikałaj Ancipaŭ źmiaščaje videa hałasavańnia źjezda za vyklučeńnie Paŭła Sieviarynca z arhanizacyi. Na jahonuju dumku, rašeńnie było pryniataje nasupierak bolšaści.
Na schodzie PEN-centra rvali mandaty, ale Sieviarynca adnavili. A adzinstva ŭratavała Aleksijevič
Pavieł Sieviaryniec raniej byŭ vyklučany z PEN-Centra za niaspłatu ŭnioskaŭ, ale jaho adnavili ŭ arhanizacyi paśla pratestu. Ciapier jaho praciŭniki dabivajucca jaho vyklučeńnia z arhanizacyi za hamafobnyja vykazvańni.
Alhierd Bacharevič zajaviŭ, što vyjdzie z PEN-Centra ŭ znak pratestu suprać taho, što Sieviaryniec zastajecca ŭ arhanizacyi.
Alhierd Bacharevič: Siońnia ranicaj mnie było soramna
Daŭniej Bacharevič pakinuŭ Sajuz biełaruskich piśmieńnikaŭ, paśla taho jak kalehi tam raskrytykavali jaho za ese pra «Kajana Łupaku» — z krytykaj pavodzin Janki Kupały ŭ saviecki pieryjad.
Raniej z PEN-Centra vyklučyli taksama viadomaha žurnalista i litaraturaznaŭcu Siarhieja Šaprana, ale paśla krytyki hetaha rašeńnia Šaprana ŭ arhanizacyi adnavili.
Niaklajeŭ vystupiŭ suprać kiraŭnictva PENa: Nichto z vas nie zrabiŭ takoha ŭniosku, jak Šapran
Starejšyja siabry PENa sprabavali znajści kampramis, zaprasiŭšy ŭ kiraŭniki arhanizacyi Śviatłanu Aleksijevič, ale levalibieralnaje kryło PENaŭcaŭ abvinavaciła žorstka raskrytykavała ich za sprobu prymiryć baki i zachavać u arhanizacyi ŭsich.
* * *
Udakładnieńnie. U raniejšaj viersii artykuła havaryłasia, što ŭ PENie adnaviła taksama zasnavalnika kłubaŭ «Movananova» Hleba Łabadzienku. Heta nie tak, bo Łabadzienka pra adnaŭleńnie nie prasiŭ.