AAN: Prypynić hłabalnaje paciapleńnie možna, ale treba $300 miljardaŭ
Pavodle śpiecyjalistaŭ AAN, dla prypynieńnia rostu vykidaŭ parnikovych hazaŭ u atmaśfieru, što dazvolić adterminavać hłabalnaje paciapleńnie na 20 hadoŭ, čałaviectvu treba inviestavać kala 300 miljardaŭ dalaraŭ u vysadku novych dreŭ, paviedamlaje Bloomberg.
Vysadka dreŭ dapamoža absarbavać lišnija vykidy vuhlakisłaha hazu z atmaśfiery, jaki ličycca najbolš škodnym dla klimatu parnikovym hazam. Drevy i raśliny zdolnyja «zamknuć» vuhlakisły haz u hlebie. Čałaviectva atrymaje kala 20 hadoŭ na toje, kab raźvić i adaptavacca da biasškodnych dla klimatu technałohij.
Dla realizacyi płana čałaviectvu nieabchodna adnavić kala 900 młn hiektaraŭ ziamli, jakija byli dehradavany z-za čałaviečaj dziejnaści. Adnaŭleńnie hetych ziamiel i zasadžvańnie ich raślinami dazvolić kanviertavać dastatkovy abjom bijamasy dla taho, kab pahłynuć praźmiernyja vykidy parnikovych hazaŭ i zbałansavać vykidy CO2 na 15-20 hadoŭ.