U Maładziečnie złamyśniki skrali z rachunku pradpryjemstva kala saraka tysiač rubloŭ
Supracoŭniki Maładziečanskaha RAUS pravodziać pravierku pa fakcie kradziažu hrošaj z bankaŭskaha rachunku miascovaj firmy, jakaja zajmajecca vytvorčaściu voknaŭ PVCH, paviedamiła aficyjny pradstaŭnik Maładziečanskaha RAUS Julija Kruk.
Pra incydent u milicyju paviedamiŭ 39-hadovy dyrektar hetaha pradpryjemstva. Pa słovach mužčyny, uron skłaŭ 39 830 rubloŭ.
Padčas pravierki pravaachoŭniki ŭstanavili, što z dapamohaj sistemy «Klijent-bank» ažyćciavili vosiem hrašovych pieravodaŭ. Bolš za čatyry tysiačy rubloŭ syšli na rachunki biznes-partnioraŭ, astatnija hrošy ŭ pamiery kala 36 tysiač pieraviali na adrasy «iłžyvych bankaŭskich rachunkaŭ» nieviadomych asob.
Jak vyśvietliłasia, na słužbovym kampjutary nie była ŭstalavanaja antyvirusnaja abarona. Adbyłosia zaražeńnie PK, što dazvoliła złamyśnikam atrymać dostup da addalenaha kiravańnia kampjutaram i sakretnaj infarmacyi.
U takich vypadkach fakt zaražeńnia škodnasnym prahramnym zabieśpiačeńniem karystalnik moža nie zaŭvažyć. Złaviŭšy momant, kali kluč elektronnaha ličbavaha podpisu padłučany da kampjutara, ašukancy aformili apłatnyja daručeńni na śpisańnie srodkaŭ, padpisali ich elektronnym ličbavym podpisam i nakiravali na vykanańnie ŭ bank.
