Charvatyju vyrašyli pryniać u šenhienskuju zonu
pixabay.com
Jeŭrakamisija rekamiendavała pryniać Charvatyju ŭ Šenhienskuju zonu, paviedamlaje Euronews. Paśla čatyroch hadoŭ acenki krainy, u Bruseli pryjšli da vysnovy, što Zahrab adkazvaje ŭsim nieabchodnym dla hetaha ŭmovam.
U pryvatnaści, adznačajecca, što Charvatyja praciahvaje vykonvać abaviazacielstvy, źviazanyja z Šenhienskimi praviłami, jakija jana ŭziała na siabie ŭ 2016 hodzie ŭ ramkach pieramoŭ ab dałučeńni.
Rekamiendacyja Jeŭrakamisii ŭ dačynieńni Charvatyi nakiravana ciapier Radzie ES, jakaja pavinna budzie pryniać rašeńnie ab uvachodžańni krainy ŭ šenhienskuju zonu.
U šenhienskuju zonu, jakaja dazvalaje svabodnaje pieramiaščeńnie, na hety momant uvachodziać 22 krainy ES (Aŭstryja, Bielhija, Vienhryja, Hiermanija, Hrecyja, Danija, Italija, Ispanija, Luksiemburh, Łatvija, Litva, Malta, Niderłandy, Polšča, Partuhalija, Słavakija, Słavienija, Francyja, Finlandyja, Estonija, Čechija, Šviecyja, a taksama 4 asacyjavanyja krainy, jakija nie ŭvachodziać u ES (Isłandyja, Lichtenštejn, Narviehija i Šviejcaryja).
