Kvaternaje pytańnie: jak stać tym, chto maje patrebu ŭ žylli, u Minsku i atrymać ilhoty ad dziaržavy
Nabyć kvateru ŭ novabudoŭli Minska — sprava niaprostaja. Šmat u kaho na heta nie chapaje ŭłasnych hrošaj. I navat zvyčajny kredyt u banku moža nie vyratavać. Ale ŭ dziaržavy na hety vypadak jość nievialiki kozyr — ilhotnaje žyllo abo finpadtrymka ŭ pahašeńni kamiercyjnych kredytaŭ dla tych, chto maje patrebu ŭ palapšeńni žyllovych umoŭ.
Razabracca ŭ tym, chto moža stać tym samym, chto maje patrebu ŭ palapšeńni žyllovych umoŭ, abo atrymać kredyt na budaŭnictva žylla na lhotnych umovach, dapamahli načalnik adździeła pravavoha rehulavańnia i realizacyi žyllovaj palityki Upraŭleńnia žyllovaj palityki Minharvykankama Anžalika Dajneka i hałoŭny śpiecyjalist adździeła pravavoha rehulavańnia i realizacyi žyllovaj palityki Upraŭleńnia žyllovaj palityki Minharvykankama Natalla Koŭzieleva.
Kaho voźmuć?
Pačniom z taho, što asnoŭny narmatyŭny dakumient, jaki vyznačaje, chto i na jakich padstavach moža stajać na čarzie tych, chto maje patrebu, — heta ŭkaz prezidenta ad 16 śniežnia 2013 hoda №563. Zhodna z hetym dakumientam, tymi, chto maje patrebu, mohuć być pryznanyja:
- hramadzianie, u jakich zabiaśpiečanaść ahulnaj płoščaj žylla ŭ zajmanym pamiaškańni składaje mienš za vyznačanuju normu;
- tyja, chto pražyvaje ŭ u žylli, jakoje nie adpaviadaje vyznačanym dla pražyvańnia sanitarnym i techničnym normam;
- tyja, chto pražyvaje ŭ internatach abo zdymnym žylli;
- tyja, chto pražyvaje ŭ arendnym žylli, jakoje pradastaŭlena na termin pracy (słužby);
- tyja, chto pražyvaje ŭ adnym pakoi abo adnapakajovaj kvatery z hramadzianami, kamu pa stanie zdaroŭja patrabujecca asobnaje žyllo;
- tyja, chto pražyvaje ŭ adnapakajovaj kvatery (abo nieizalavanych žyłych pakojach) i nie źjaŭlajecca blizkimi svajakami (da blizkich svajakoŭ adnosiacca: muž i žonka, baćki, usynavicieli, dzieci, u tym liku ŭsynoŭlenyja, rodnyja braty i siostry, dzied, babula, unuki);
- maładyja siemji (kali adnamu z sužencaŭ mienš za 31 hod na momant pastanoŭki na ŭlik), jakija ŭpieršyniu ŭstupili ŭ šlub (aboje sužency) i nie majuć ułasnaha žylla;
- tyja, chto pražyvaje ŭ adnoj kvatery, zasielenaj niekalkimi ŭłaśnikami, pry zabiaśpiečanaści žyllom mienš za vyznačanuju normk;
- tyja, u kaho zabiaśpiečanaść ahulnaj płoščaj žylla nižejšaja za vyznačanuju normu. Pa Biełarusi taki narmatyŭ składaje 15 kv.m., pa Minsku — 10 kv.m. Važna viedać, što pry raźliku ŭličvajecca ahulnaja płošča ŭsich žyłych pamiaškańniaŭ, jakija znachodziacca va ŭłasnaści i (abo) karystańni čałavieka i členaŭ jaho siamji (dla h. Minska — u h. Minsku i Minskim rajonie).
Varta mieć na ŭvazie, što pry pastanoŭcy na ŭlik u Minsku nieabchodna być pastajanna zarehistravanym pa miescy žycharstva ŭ stalicy nie mienš za 10 hadoŭ (nie abaviazkova zapar, možna — u sukupnaści).
Ciapier čarha tych, chto maje patrebu ŭ palapšeńni ŭmoŭ žylla, u Minsku składaje kala 196 tys. čałaviek, ź ich 5,8 tysiač — šmatdzietnyja siemji. U tym liku z pačatku 2019 hoda administracyjami rajonaŭ Minska pryniata na ŭlik kala 2 tysiač čałaviek, ź jakich 553 šmatdzietnyja siamji.
U apošnija hady pryjarytet pry nakiravańni na budaŭnictva žylla addajecca šmatdzietnym siemjam, jakija ŭ adpaviednaści z zakanadaŭstvam nadzielenyja pazačarhovym pravam na atrymańnie dziaržaŭnaj padtrymki pry budaŭnictvie žylla. Siarod takich siemjaŭ, u pieršuju čarhu, — šmatdzietnyja siemji, jakija majuć čaćviarych i bolš dziaciej, i šmatdzietnyja siemji, jakija vychoŭvajuć dziaciej-invalidaŭ.
Što daduć?
Dziaržpadtrymka ŭ budaŭnictvie abo kupli žylla ciapier vydzialajecca pa ŭkazie №240. Jon byŭ pryniaty ŭ dadatak da ŭkaza №13 dla pryciahnieńnia dadatkovych krynic finansavańnia budaŭnictva žylla šlacham uklučeńnia ŭ žyllovaje budaŭnictva kamiercyjnych kredytaŭ bankaŭ. Hety dakumient uvioŭ paniaćcie subsidyi.
Subsidyja — heta adrasnaja dziaržaŭnaja padtrymka, jakaja akazvajecca kankretnym katehoryjam hramadzian šlacham vypłaty ź biudžetu častki pracentaŭ za karystańnie kamiercyjnym kredytam. Subsidyja pradastaŭlajecca ŭ bieznajaŭnaj formie i nakiroŭvajecca ŭ bank, jaki vydaŭ kamiercyjny kredyt, na pahašeńnie za hramadzianina častki pracentaŭ abo asnoŭnaha doŭhu.
Na pahašeńnie asnoŭnaha doŭhu mohuć raźličvać: šmatdzietnyja i maładyja siemji; dzieci-siroty i hramadzianie, jakija źjaŭlajucca najmalnikami sacyjalnaha žylla, pradastaŭlenaha im jak dzieciam-sirotam; hramadzianie, u składzie siemjaŭ jakich jość dzieci-invalidy; invalidy ź dziacinstva I i II hrupy.
Umovy pradastaŭleńnia subsidyi pa ŭkazie №240 anałahičnyja umovam pradastaŭleńnia lhotnaha bankaŭskaha kredytu pa ŭkazie №13.
Kolki daduć?
Pamiery subsidyi na vypłatu častki pracentaŭ:
- šmatdzietnym siemjam, jakija majuć traich niepaŭnaletnich dziaciej na datu padačy zajavy ab pradastaŭleńni subsidyj, — u pamiery staŭki refinansavańnia Nacbanka, pavialičanaj na 2 pracentnyja punkty;
- šmatdzietnym siemjam, jakija majuć čaćviarych i bolš niepaŭnaletnich dziaciej na datu padačy zajavy ab pradastaŭleńni subsidyj, — u pamiery staŭki refinansavańnia Nacbanka, pavialičanaj na 3 p.p.;
- šmatdzietnym siemjam, jakija majuć nie mienš za traich dziaciej va ŭzroście da 23 hadoŭ na momant padačy zajavy ab pradastaŭleńni subsidyi na vypłatu častki pracentaŭ, a taksama dzieciam-sirotam i hramadzianam, jakija źjaŭlajucca najmalnikami sacyjalnaha žylla, pradastaŭlenaha im jak dzieciam-sirotam, — u pamiery staŭki refinansavańnia Nacbanka, pavialičanaj na 2 p.p.;
- inšym hramadzianam, pieralik jakich ukazany vyšej — u pamiery staŭki refinansavańnia Nacbanka, źmienšanaj na 2 p.p.
Pamiery subsidyi na pahašeńnie asnoŭnaha doŭhu:
- šmatdzietnym siemjam:
pry najaŭnaści traich niepaŭnaletnich dziaciej na datu padačy zajavy ab pradastaŭleńni subsidyj — 95% ad sumy asnoŭnaha doŭhu pa kredycie;
pry najaŭnaści čatyroch i bolš niepaŭnaletnich dziaciej — 100% ad sumy asnoŭnaha doŭhu pa kredycie.
- maładym siemjam, nazvanym u abzacy trecim padpunkta 1.4 Ukaza №240:
- pry naradžeńni (usynaŭleńni, udačareńni) pieršaha dziciaci — u pamiery 10% ad sumy asnoŭnaha doŭhu pa kredycie;
- pry naradžeńni (usynaŭleńni, udačareńni) druhoha dziciaci — u pamiery 20% ad sumy asnoŭnaha doŭhu pa kredycie.
- dzieciam-sirotam i hramadzianam, jakija źjaŭlajucca najmalnikami sacyjalnaha žylla, pradastaŭlenaha im jak dzieciam-sirotam, hramadzianam, u składzie siemjaŭ jakich jość dzieci-invalidy, a taksama invalidy ź dziacinstva I i II hrupy — u pamiery 50% ad sumy asnoŭnaha doŭhu pa kredycie.
Maksimalny pamier kredytu, jaki padlahaje subsidziravańniu:
narmiravany pamier žyłoha pamiaškańnia * kolkaść členaŭ siamji * hraničny narmatyŭ koštu 1 kv. mietra * 90% (šmatdzietnyja — 100%).
Pry pavieličeńni składu siamji hramadzianina, jaki źjaŭlajecca atrymalnikam subsidyi (subsidyj), u suviazi z naradžeńniem dziaciej u pieryjad ažyćciaŭleńnia budaŭnictva (rekanstrukcyi), žylla robicca pieraraźlik maksimalnaha narmavanaha koštu žyłoha pamiaškańnia šlacham uniasieńnia źmianieńniaŭ u raniej pryniatyja rašeńni na padstavie zajaŭ hetych hramadzian.
Bolš padrabiazna pra toje, jak stać na ŭlik tych, chto maje patrebu ŭ palapšeńni žyllovych umoŭ, ci atrymać ilhotny kredyt na žyllo, čytajcie ŭ śpiecyjalnym materyjale-instrukcyi na partale Realt.by.
