U Śvietłahorsku 70-hadovy piensijanier atrymaŭ šeść hadoŭ kałonii za panažoŭščynu. Jany paspračalisia z-za katoŭ
Dvoje mužčyn — adnamu 71, druhomu 70 — pasvarylisia z-za žyvioł. Toj, jakoha asudzili, padkormlivaŭ čaćvieranohich, druhi, paciarpieły, zrabiŭ jamu zaŭvahu. Na nastupny dzień (incydent zdaryŭsia ŭ lipieni) pakryŭdžany napaŭ na susieda z nažom, paviedamlaje sb.by.
pixabay.com
Dva ŭdary pryjšlisia u šyju i žyvot. Paciarpieły akazaŭ supraciŭ, parezaŭšy pry hetym ruki. Nož byŭ vybity z ruk supiernika, ale toj skarystaŭsia jašče i małatkom, udaryŭšy im svajho kryŭdziciela pa hałavie. Śviedki raźniali pažyłych mužčyn, vyklikali «chutkuju».
U dačynieńni da amatara katoŭ była zaviedzienaja kryminalnaja sprava pa artykule za zamach na zabojstva.
- 18 kastryčnika sudom Śvietłahorskaha rajona napadnik pryznany vinavatym. U jakaści pakarańnia jamu vyznačana šeść hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu. Taksama pastanoŭlena spahnać z abvinavačanaha na karyść paciarpiełaha hrašovuju kampiensacyju maralnaj škody 1500 rubloŭ, - paviedamlaje pres-sakratar Homielskaha abłasnoha suda Volha Barsukova.
