Pampiea zajaviŭ, što Tramp hatovy da vajennych dziejańniaŭ suprać Turcyi
Prezident ZŠA Donald Tramp hatovy ŭžyć vajennuju siłu suprać Turcyi «ŭ vypadku nieabchodnaści», zajaviŭ u intervju CNBC dziaržsakratar Majk Pampiea, piša rbc.ru.
«My addajem pieravahu miru. Ale ŭ vypadku padziej, pry jakich spatrebiacca vajennyja dziejańni, <…> prezident Tramp całkam hatovy ich raspačać», — skazaŭ jon.
Pry hetym Pampiea admoviŭsia kankretna skazać, jakija mienavita dziejańni Ankary pryviaduć da vajskovaha adkazu z boku ZŠA. Jon rastłumačyŭ, što nie choča pieraškadžać «prezidenckamu rašeńniu ab tym, ci ŭziać na siabie hrandyjoznaje abaviazacielstva vykarystoŭvać amierykanskuju vajennuju moc».
9 kastryčnika Turcyja pačała vajennuju apieracyju «Krynica miru» suprać kurdskich sił na paŭnočnym uschodzie Siryi, jakich ličyć terarystami. ZŠA — sajuźniki kurdaŭ — pačali vyvad svaich vojskaŭ z rehijonu, adnak asudzili dziejańni Ankary i ŭviali suprać jaje ekanamičnyja sankcyi. Suprać praviadzieńnia apieracyi taksama vystupili krainy ES.
