Źjaviŭsia raskład cyrymonij u honar pierapachavańnia Kalinoŭskaha
Padrychtoŭka da pierapachavańnia Kastusia Kalinoŭskaha ŭ Vilni, kastryčnik 2019.
Biełaruski hramadzki kamitet ušanavańnia pamiaci paŭstancaŭ apublikavaŭ papiaredni plan mierapryjemstvaŭ na 22—24 listapada z nahody pierapachavańnia paŭstancaŭ 1863—1864 hadoŭ u Vilni, piša Radyjo Svaboda.
Što za kamitet?
U kamitet uvachodziać hramadzkija dziejačy Biełarusi, pradstaŭniki biełaruskaj dyjaspary za miažoj, u tym liku ź Vilni. Uznačalvaje kamitet doktar histaryčnych navuk Aleś Smalančuk.
Što ŭ raskładzie?
22 listapada, piatnica
11.00—11.45 — Raźvitańnie hramadzkaści z paŭstancami ŭ Katedralnym kaściole Vilni (uvachod svabodny).
12.00 — Pačatak uračystaj imšy ŭ Katedralnym kaściole Vilni (uvachod abmiežavany, ale na Katedralnaj płoščy buduć ustalavanyja admysłovyja vialikija ekrany).
13.20 — Pačatak piešaj raźvitalnaj pracesii ad Katedralnaha kaścioła da mohiłak Rosy.
14.00 — Cyrymonija pachavańnia pareštkaŭ u kalumbaryi kaplicy na mohiłkach Rosy.
Viečar — Kancert hurta «Dzieciuki» (dakładny čas i miesca ahučać paźniej).
23 listapada, subota
11:00 — Hreka-katalickaje bohasłužeńnie za supakoj paŭstancaŭ 1863-1864 hadoŭ u Bazyljanskich murach (Śviatatroickaja hreka-katalickaja carkva, adras: Aušros Vartų g. 7B).
13:00 — Sustreča hramadzkaści z Radaj Biełaruskaj Narodnaj Respubliki (dakładnyja čas i miesca nazavuć paźniej).
16:00 — Misteryja: historyka-teatralna-paetyčny Rekvijem pryśviečany paŭstańniu 1863-1864 hadoŭ (dakładny čas i miesca nazavuć paźniej).
18:00 — Paŭstancki łancuh: žałobnaje hramadzkaje šeście sa źničami ad Vostraj bramy da mohiłak Rosy.
24 listapada, niadziela
12:00 — Biełaruskaje rymska-katalickaje nabaženstva za spakoj paŭstancaŭ u kaściole Śv. Varfałamieja na Zareččy (adras: Užupio g., 17).
14:00 — 16:00 — Biaspłatnyja paznavalnyja vandroŭki pa biełaruskich miaścinach Vilni. Sustreča kala kaścioła Śv. Varfałamieja na Zareččy (Užupio g., 17).