U Mazyry milicyja pryjechała na vyklik — i mocna ździviłasia FOTA
Uviečary 17 kastryčnika ŭ Mazyrcki RAUS źviarnułasia žančyna. Jana paviedamiła pra kanflikt sa svaim sužycielem u kvatery pa bulvary Junactva, paviedamlaje abłasnaja milicyja.
Pa prybyćci na miesca zdareńnia supracoŭnikaŭ milicyi čakaŭ niezvyčajny siurpryz. Na ścianie visieła karcina, zroblenaja z častak zbroi.
Jak patłumačyŭ 43-hadovy mužčyna, kala 10 hadoŭ tamu jon vykapaŭ arsienał na prysiadzibnym učastku, što kala stancyi Halavicy Kalinkavickaha rajona. Z zatvora vintoŭki, štyka, častki ŭdarna-spuskavoha miechanizmu (jak miarkujecca, ad vintoŭki Mosina), stvała vintoŭki i ručnoj hranaty F-1 z zapałam jon i zrabiŭ sabie svojeasablivy tvor mastactva i paviesiŭ na ścianu. Dla hetaha navat adpiłavaŭ častku hranaty, kab było zručniej macavać.
U kvatery taksama byli vyjaŭlenyja kaska časoŭ Vialikaj Ajčynnaj vajny, patrony i hilza.
Usie bojeprypasy kanfiskavany dla praviadzieńnia ekśpiertyzy. Mazyrskim RAUS pa hetym fakcie pravodzicca pravierka.
