Jeŭropa ŭ niadzielu pieravodzić strełki hadzińnikaŭ. Što heta aznačaje dla Biełarusi
Postimees
U noč na niadzielu krainy Jeŭropy pierachodziać na zimovy čas: hadzińniki buduć pieraviedzienyja na hadzinu nazad.
Nahadajem, što Jeŭrapiejski sajuz vyrašyŭ spynić pieravod strełak kožnyja viasnu i vosień, adnak dziaržavy pavinny sami vyrašyć, jaki čas pakinuć u jakaści pastajannaha — zimovy ci letni. Ale pytańnie budzie vyrašanaje, chutčej za ŭsio, nie raniej za 2021 hod. Voś Litva i Łatvija choča zastacca ŭ letnim časie, a Estonija addaje pieravahu zimovamu času, kab być razam ź Finlandyjaj.
Biełaruś ad 2012 hoda strełki nie pieravodzić. Heta aznačaje, što ź niadzieli roźnica ŭ časie ź Vilniaj, Ryhaj i Talinam składzie hadzinu, a z Varšavaj i Bierlinam — dźvie hadziny. Pieravodzić strełki i Ukraina. Roźnica ŭ časie pamiž Minskam i Kijevam składzie taksama hadzinu.
Što dla biełarusaŭ aznačaje pieravod strełak Jeŭropaj i Ukrainaj? Skarektujecca raskład ciahnikoŭ i samalotaŭ. Nu i matčy Lihi čempijonaŭ buduć pačynacca na hadzinu paźniej, ažno ŭ 23.00