Na karabiel VMS ZŠA pačali ŭstaloŭvać pieršy bajavy łazier
Bajavy łazier, stvorany ŭ kampanii Northrop Grumman dastaŭleny ŭ San-Dyjeha, dzie jaho nieŭzabavie buduć stavić na desantny karabiel USS Portland (LPD-27), paviedamlaje vydańnie The Drive. Łazier, mahutnaść pramiania jakoha pa słovach stvaralnikaŭ, dasiahaje 150 kVt, stanie pieršaj padobnaj pryładaj na karablach VMS ZŠA.
Karparacyja Northrop Grumman, jakaja śpiecyjalizujecca na aerakaśmičnych i vajennych technałohijach, vyjhrała kantrakt na vytvorčaść bajavoha łaziera, jašče ŭ 2015 hodzie. U 2018 hodzie, kali USS Portland uvodzili ŭ stroj, užo było viadoma, što pieršy dośledny ŭzor ustalujuć mienavita na hetym karabli.
Pavodle zadumy stvaralnikaŭ z dapamohaj łaziera možna budzie paražać nievialikija sudy, a taksama bieśpiłotnyja aparaty.
Northrop Grumman, stvoranaja ŭ 1994 hodzie paśla źlićcia kampanij Northrop i Grumman za svaju historyju raspracavała ŭ tym liku bambavik B-2, bieśpiłotnik RQ-5 Hunter, raźviedvalny samalot E-8C, a taksama roznyja radary.
Jak raniej paviedamlała vydańnie We Are the Mighty, u ZŠA viaducca i inšyja raspracoŭki vajennych łazieraŭ. U pryvatnaści, havorka idzie pra płany ŭstalavać padobnuju zbroju na viertalot H-60.