U Breście pjany kiroŭca ŭrezaŭsia ŭ aŭtamabil DAI
U Breście pjany kiroŭca na «Piežo» ŭrezaŭsia ŭ patrulnuju mašynu DAI, paciarpieli dva čałavieki, paviedamlaje MUS.
DTZ zdaryłasia siońnia kala 15.40 na vulicy Maskoŭskaj. 44-hadovy bieraściejec nie spraviŭsia z kiravańniem i sutyknuŭsia z patrulnaj mašynaj, jakaja stajała na pieršaj pałasie. U momant sutyknieńnia na słužbovaj mašynie byŭ uklučany probliskavy majačok siniaha koleru ŭ suviazi z afarmleńniem inšaha administracyjnaha pravaparušeńnia. U sałonie znachodzilisia dva čałavieki — inśpiektar i pravaparušalnica.
U vyniku avaryi supracoŭnik DAI i dziaŭčyna atrymali traŭmy i byli dastaŭleny ŭ balnicu. Pry miedycynskim ahladzie ŭ vinavataha ŭ avaryi było zafiksavana zvyš troch pramile ałkaholu.
Na miesca zdareńnia vyjechali supracoŭniki DAI, vyśviatlajucca ŭsie abstaviny.