Rasija prapanoŭvała Ukrainie pieranieści «Minski praces» ź Biełarusi ŭ Kazachstan
Pradstaŭniki Rasii prapanoŭvali ŭkrainskim palitykam pierafarmatavać Minski praces i pieranieści pieramoŭnuju placoŭku pa ŭrehulavańni kanfliktu na Danbasie ź Biełarusi ŭ Kazachstan. Takuju zajavu ŭ efiry Radio NV zrabiŭ eks-ministr pa pytańniach časova akupavanych terytoryj i ŭnutrana pieramieščanych asob Ukrainy Vadzim Čarnyš.
«Była sproba ŭ Kazachstan pieramiaścić pieramoŭny praces. I navat byli zajavy, i bolš za toje — niefarmalna źviartalisia pradstaŭniki rasijskaha boku da mnohich hramadskich dziejačaŭ tut, va Ukrainie (i navat palitykaŭ dziejučych, ja nie budu pra ich kazać, ale heta byli palityki ŭ ranhu kiraŭnikoŭ kamitetaŭ Viarchoŭnaj Rady Ukrainy minułaha sklikańnia), z prośbaj pryjechać u Astanu dla pieramoŭ jak alternatyva samomu Minskamu pracesu», — raskazaŭ jon.
