U Ńju-Jorku začyniać samuju vialikuju ŭ śviecie turmu
flickr.com
Haradskaja rada Ńju-Jorka uchvaliŭ płan likvidacyi da 2026 hoda najbujniejšaha ŭ śviecie turemnaha kompleksu Rikers Island. Pra heta paviedamlaje The New York Times.
Pavodle vydańnia, zakryćcio papraŭčaj ustanovy abyjdziecca haradskim uładam u bolš čym $ 8,7 młrd. Zamiest jaho płanujecca pabudavać čatyry novyja turmy mienšych pamieraŭ. Zhodna z płanam, usie čatyry buduć raźmiaščacca ŭ ńju-jorkskich rajonach Bruklin, Kuinz, Bronks i Mancheten.
Vydańnie adznačaje, što rašeńnie ab zakryćci Rikers Island było pryniata ŭ suviazi sa šmatlikimi parušeńniami i złoŭžyvańniami słužbovymi paŭnamoctvami turemnaj administracyjaj.
Turma składajecca z kompleksu zbudavańniaŭ, raźmieščanych na adnajmiennym vostravie ŭ pralivie Ist-Ryvier. Usie jany abstalavany datčykami ruchu i kamierami, stalovymi dźviaryma i płotam sa śpirallu Bruna vyšynioj 3,7 m. Prastora pamiž drotam i ścienami praśviečvajecca łaziernymi pramianiami i achoŭvajecca sabakami bajcovych parod.